Portfolio
Bio
CV
@jacibujanda
jacibsuarez@gmail.com
© 2026 Jacinta Bujanda Suárez
Por tolo que ye amestao
Oxetos fechos a partir de plata, latón y llana, llibru impresu, activación performática.
Esti proyectu parte del deséu d'entender —a traviés de la materia natural, les artes aplicaes y l'escritura— tanto la mio propia identidá cultural como'l territoriu al cual esta está arraigada. La esploración del mestizaje identitario llévase a cabu por vía de la creación de pieces d'artesanía compuestes coles distintes materies que fui recoyendo naquellos llugares que conformen la mio identidá. Les pieces en sí tamién son mestices, pos inclúin hibridaciones técniques y matéricas. Amás de la so tangibilidad física, les pieces tán acompañaes de testos curtios recoyíos nun llibru d'artista nel cual indago sobre los distintos temes que diben surdiendo mientres trabayaba coles manos y qu’exploraba, por tanto, de forma paralela. Dalgunos d'estos son los conceutos de la otredad, la marginalización, lo queer, la pertenencia, l’herencia y l’arraigo, y pueden apreciase tantu nos oxetos creaos como na palabra escrita. Finalmente, materia y palabra intégranse mediante una activación na que, a manera de performance, y en presencia de la pieza correspondiente, lléese un testu que xune los fragmentos de les distintes árees de la mio escritura.